1, കാബേജില്‍ വെള്ളം തളിച്ച് ഇടിച്ചുപിഴിഞ്ഞെടുത്ത ഉരി നീരില്‍ 5 ഗ്രാം കുരുമുളകുപൊടി ചേര്ത്ത് കാലത്ത് കഴിച്ചാല്‍ കൊളസ്ട്രോളും ട്രൈഗ്ലിസറൈയിഡ്സും കുറയുന്നതാണ്. അതുകൊണ്ട് ഹൃദ്രോഗികളെ സംബന്ധിച്ചിടത്തോളം കാബേജ് ഒരു അനുഗ്രഹമാണ്
2,കറിവേപ്പിലയരച്ച് ഒരു പൊളിച്ച അടയ്ക്കയോളം വലുപ്പത്തില്‍ ഉരുട്ടി കാലത്ത് ചൂടുവെള്ളത്തില്‍ കഴിക്കുകയാണെങ്കില്‍ കൊളസ്ട്രോള്‍ വര്ധിച്ച് ഉണ്ടാകുന്ന രോഗങ്ങള്ക്ക് ശമനം കിട്ടും.
3,ഉള്ളി ഇടിച്ചുപിഴിഞ്ഞ നീര് മോരില്‍ ചേര്ത്ത് ദിവസവും കഴിച്ചുകൊണ്ടിരുന്നാല്‍ കൊളസ്ട്രോള്‍ വര്ധന ഉണ്ടാകില്ല. തന്മൂലം ഹൃദ്രോഗബാധയെ തടയുവാന്‍ കഴിയും. ഹൃദ്രോഗം വരാന്‍ സാധ്യതയുള്ളവരും ഹൃദ്രോഗം വന്ന് മാറിയവരും ചുവന്നുള്ളി ഭക്ഷണസാധനങ്ങളില്‍ ഏതുവിധമെങ്കിലും ഉള്പ്പെ്ടുത്തുന്നത് വളരെ ഗുണപ്രദമാണ്...
4,കൊളസ്ട്രോള്‍ വര്ധിച്ചുണ്ടാകുന്ന രോഗാവസ്ഥകളിലെല്ലാം ഏലക്കായപ്പൊടി ജീരക കഷായത്തില്‍ ചേര്ത്ത് തുടര്ച്ചയായി കഴിച്ചാല്‍ നല്ല ഫലമുണ്ടാകും.
നിലക്കടലയെണ്ണ കൊളസ്ട്രോളിനെ വര്ധിധപ്പിക്കുകയില്ല.
ചെറുതരം മത്സ്യങ്ങള്‍ കൊഴുപ്പ് കൂടാതെ പാകം ചെയ്ത് ഉപയോഗിച്ചാല്‍ ശരീരം മെലിയുകയും വെണ്ണയോ കൊഴുപ്പോ ധാരാളമായി ചേര്ത്ത് പാകം ചെയ്തുപയോഗിച്ചാല്‍ ശരീരം തടിക്കുന്നതുമാണ്. എളുപ്പത്തില്‍ ദഹനമുണ്ടാക്കുന്നതാണ് മത്സ്യം. കാത്സ്യം ധാരാളമടങ്ങിയിട്ടുള്ളതിനാല്‍ കുട്ടികള്ക്കും വൃദ്ധന്മാര്ക്കും കൂടുതല്‍ പ്രയോജനപ്രദമാണ്. ഇതിലെ കൊഴുപ്പ് കൊളസ്ട്രോള്‍ വര്ധിപ്പിക്കാത്തതാണ്.........
കൊളസ്ട്രോളും ബ്ലഡ് പ്രഷറും അകറ്റി നിര്ത്താന്‍ ഓട്സ് ശീലമാക്കിയാല്‍ മതി. കൊളസ്ട്രോള്‍ മൂലമുള്ള ഹൃദയാഘാതം തടയും. നല്ല കൊളസ്ട്രോളിന്റെ അളവു കുറയ്ക്കാതെ ചീത്ത കൊളസ്ട്രോള്‍ കുറക്കും. പ്രമേഹം നിയന്ത്രിക്കും. കാന്സളര്‍ വരാനുള്ള സാധ്യത കുറയ്ക്കും. ആരോഗ്യവും ഉണര്വ്നല്കും. ലയിച്ചു ചേരുന്ന നാരുകള്‍ (സോലുബിള്‍ ഫൈബര്‍) ധാരാളം അടങ്ങിയതാണു ഓട്സ്. ചീത്ത കൊളസ്ട്രോളിന്റെ അളവ് കുറച്ച് ഹൃദയത്തിനു സംരക്ഷണം നല്കാന്‍ ഈ ഫൈബര്‍ സഹായിക്കുന്നു. മൂന്നു ഗ്രാം സോലുബിള്‍ ഫൈബര്‍ അടങ്ങിയ ഭക്ഷണം ദിവസേന കഴിക്കുന്നത് ഹൃദ്രോഗ സാധ്യത കുറക്കും. ഓട്സ് ചേര്ത്ത ഒരു കപ്പു പാലില്‍ നിന്ന് നാലു ഗ്രാം സോലുബിള്‍ ഫൈബര്‍ കിട്ടും. കൊളസ്ട്രോള്‍ രക്തക്കുഴലുകളില്‍ അടിഞ്ഞുകൂടാതിരിക്കാന്‍ സഹായകമാണ് സോലുബിള്‍ ഫൈബര്‍ അടങ്ങിയ ഓട്സ്. കൊളസ്ട്രോള്‍ അടിഞ്ഞു അടയുന്ന രക്തക്കുഴലുകളില്‍ അവസാനം, രക്തം കട്ടപിടിച്ച് ഹൃദയാഘാതം ഉണ്ടാവുകയാണു പതിവ്.
കൂടാതെ തിപ്പലി കൊളസ്ട്രോള്‍ കുറക്കുന്നതിനുള്ള ഒരു ഒറ്റ മൂലിയായും പ്രവര്ത്തിക്കുന്നു. ആറു തിപ്പലി രാത്രി 1 ഗ്ലാസ്സ് വെള്ളത്തിലിട്ട് രാവിലെ വെറും വയറ്റില്‍ അരച്ചു കഴിക്കുകയും ആ വെള്ളം കുടിക്കുകയും ചെയ്യണം. 15 ദിവസങ്ങള്ക്കു ള്ളില്‍ കൊളസ്ട്രോള്‍ നിയന്ത്രണ വിധേയമാകുന്നു.
ഇന്ത്യന്‍ മള്ബനറി, ബീച്ച് മള്ബ്റി എന്നെല്ലാം അറിയപ്പെടുന്ന ഔഷധസസ്യമാണ് നോനി. സര്‍വരോഗ സംഹാരിയെന്ന് സധൈര്യം പരിചയപ്പെടുത്താവുന്ന പച്ചമരുന്നുകളിലൊന്നാണ് ഈ സസ്യം. നാല്പതോളം ഒഷധക്കൂട്ടുകളിലെചേരുവയാണിത്. വേരും ഇലകളും പൂവും പഴവുമെല്ലാം ഔഷധഗുണങ്ങളുള്ളവയാണ്. സ്വാഭാവിക ആരോഗ്യം വീണ്ടെടുക്കുന്നതിന് നോനിയുടെ പഴച്ചാറ് അതിവിശിഷ്ടമാണെന്ന് തെളിയിക്കപ്പെട്ടിട്ടുണ്ട്. കാന്സറിനെ പ്രതിരോധിക്കാനും കൊളസ്ട്രോള്‍ കുറക്കാനും പുകവലിമൂലമുള്ള ദൂഷ്യഫലങ്ങളൊഴിവാക്കാനും ഇവക്കാവും.
തേനിന്റെ മറ്റൊരു പ്രത്യേകതയാണ് ശരീരത്തിന്റെ സന്തുലിതാവസ്ഥ കാത്തുസൂക്ഷിക്കുവാനുള്ള കഴിവ്. പ്രഷര്‍, ഷുഗര്‍, കൊളസ്ട്രോള്‍ എന്നിവയെ ശരീരത്തില്‍ ക്രമീകരിച്ചു നിര്ത്തും . സമ്പൂര്ണ്ണ ആഹാരമായ തേന്‍ രോഗങ്ങള്‍ വരാതെ കാത്തു സൂക്ഷിക്കുന്നു.
Thursday, 2 July 2015
കൊളസ്ട്രോള്‍ കുറയ്ക്കാനും ഇല്ലാതാക്കാനും ഉള്ള ചില ഒറ്റമൂലികൾ ..
ചപ്പാത്തിയും ആരോഗ്യവും
മലയാളികളിൽ മിക്കയാളുകളും രാത്രിയിലെ ചോറും,കഞ്ഞിയും ഉപേക്ഷിച്ച് ഇപ്പോൾ ചപ്പാത്തിയിയാണ് കഴിക്കാറുള്ളത്. നോര്‍ത്തിന്ത്യന്‍ സ്ഥലങ്ങളില്‍ മുൻഗണനയുള്ള ചപ്പാത്തിയിപ്പോൾ മലയാളികൾക്കും ഏറെ പ്രിയപ്പെട്ടതാണ്. ഡയറ്റെടുക്കുന്നവർക്കും, തടി കുറയ്ക്കുവാനും, അസുഖമുള്ളവർക്കും ചപ്പാത്തി വളരെ ഉത്തമമാണ്. മനുഷ്യൻറെ ആരോഗ്യത്തിന് വളരെ ഉത്തമമായ ഭക്ഷണമാണ് ഗോതമ്പ്. ഗോതമ്പ് കഴിക്കുന്നത് മൂലമുള്ള ചില ഗുണങ്ങളിതാ ചുവടെ കൊടുക്കുന്നു.
1. പ്രോട്ടീൻ ധാരാളം അടങ്ങിയ ഭക്ഷണമാണ് ഗോതമ്പ്. ഇത് വിളർച്ച മാറ്റാൻ സഹായിക്കുന്നു.
2. കിഡ്‌നി സ്‌റ്റോണ്‍ അലിയിച്ചു കളയാൻ ഗോതമ്പിന് കഴിയും.
3.ധാരാളം നാരുകൾ അടങ്ങിയതിനാൽ ഇത് മലബന്ധം തടയാനും സഹായിക്കുന്നു.
4. അസ്ഥികള്‍ക്കുണ്ടാകുന്ന ബലക്കുറവും ക്ഷതവുമെല്ലാം അകറ്റാനും, പ്രമേഹത്തെ തടയാനും ഗോതമ്പ് നല്ലതാണ്.
5. ഗോതമ്പിലടങ്ങിയിരിക്കുന്ന വൈറ്റമിനുകളുടെ സഹായത്താൽ ഇത് ശ്വാസത്തിലെ ദുര്‍ഗന്ധമകറ്റുന്നതിന് ഉത്തമമാണ്.
6.ഹൈപ്പര്‍ ടെന്‍ഷന്‍ അകറ്റാനും ബി.പി കുറയ്ക്കാനും ഗോതമ്പ് നല്ലതാണ്.രക്തം ശുദ്ദീകരിക്കാനും രക്തദൂഷ്യം വഴിയുള്ള അസുഖങ്ങള്‍ കുറയ്ക്കാനും ഇത് നല്ലതാണ്.
7.ഗോതമ്പിലെ സെലേനിയം, വൈറ്റമിന്‍ ഇ എന്നിവ ക്യാന്‍സര്‍ തടയാൻ ഗുണകരമാണ്.മാത്രമല്ല ഗോതമ്പില്‍ ദോഷകരമായ കൂട്ടുകള്‍ കലരാത്തതു കൊണ്ട് ഹൃദയസംബന്ധമായ പ്രശ്നങ്ങള് അകറ്റി നിര്‍ത്താനും ഗോതമ്പ് കഴിക്കുന്നത് മൂലം സാധിക്കും
ബുദ്ധി വികാസത്തിന്
ബുദ്ധി വികാസത്തിനു വളരെ പ്രയോജനം ചെയ്യുന്ന ഒരു മരുന്നാണിത്. ബുദ്ധിശക്തിയും മേധാശക്തിയും വര്‍ദ്ധിപ്പിക്കുന്നതിന് പ്രഥമഗണനീയമാണ് ഈ സസ്യം. ഉറക്കം വര്‍ദ്ധിപ്പിക്കാനും പനി കുറയ്ക്കുവാനും കഴിവുള്ള ഈ ഔഷധസസ്യത്തിന്റെ വേരും പൂവും ചിലപ്പോള്‍ സമൂലവും ഉപയോഗിക്കുന്നു. ശംഖുപുഷ്പത്തിന്റെ വേര് പച്ചയ്ക്ക് അരച്ച് നെയ്യിലോ വെണ്ണയിലോ വെറും വയറ്റില്‍ നല്കിയാല്‍ കുട്ടികള്‍ക്ക് ബുദ്ധിശക്തിയും ധാരണാശക്തിയും വര്‍ദ്ധിക്കും.
പൂവിന് ഗര്‍ഭാശയത്തിലെ രക്തസ്രാവം കുറക്കാനുള്ള ശക്തിയുണ്ട്. ശംഖുപുഷ്പത്തില്‍ വെള്ളക്കാണ് കൂടുതല്‍ ഔഷധഗുണം. സമൂലമാണ് ഔഷധത്തിന് ഉപയോഗിക്കുന്നത്.
ഇതിന്റെ ചില ഔഷധ പ്രയോഗങ്ങള് :
ഇതിന്റെ വേര് ഉണക്കി പൊടിച്ചു ചൂര്‍ണം ആക്കി 1-3 ഗ്രാം വരെ കൊടുത്താല്‍ കുട്ടികള്‍ക്ക് ഉണ്ടാകുന്ന കൃമി ശല്യം മാറും .
ഇല ഉണക്കി പൊടിച്ചു ചൂര്‍ണം ആക്കി മൂക്കില്‍ വലിച്ചാല്‍ മൈഗ്രൈന്‍ മാറും ഓര്‍മ്മ ശക്തി കൂടും .
ഇല ചാര്‍ -5 മില്ലി
ഇഞ്ചി നീര് -5 മില്ലി
തേന്‍ - ആവശ്യത്തിനു
ഇവകള്‍ ഒന്നായി യോജിപ്പിച്ച് രാവിലെയും വൈകുന്നേരവും ഒരാഴ്ച്ചകുടിച്ചാല്‍ മൈഗ്രൈന്‍ മാറും . മനോ വിഭ്രമം ഉള്ളവര്‍ 48 ദിവസം കുടിച്ചാല്‍ വിഭ്രാന്തി കുറയും .
സമൂലം അരച്ച് ഇഞ്ചി ,കല്ലുപ്പ് ചേര്‍ത്തു ലിമ്ഫ്‌നോഡ്‌ വീക്കത്തിന് , മറ്റു മുഴകള്‍ക്കു മേലയും പൂച്ചിട്ടാല്‍ മുഴകള്‍ ശമിക്കും .
സമൂലം -5 ഗ്രാം
ഇഞ്ചി -5 ഗ്രാം
പനം ചക്കര അല്ലെങ്കില്‍ പനം കല്‍ക്കണ്ടം ഇവകള്‍ വെള്ളത്തില്‍ ഇട്ടു കാച്ചി കഷായം ആക്കി കുടിച്ചാല്‍ ഗര്‍ഭാശയ വേദന , ഇടുപ്പ് വേദന തുടങ്ങി ഒരു വിധ വേദനകള്‍ക്കും ശമനം തരും
ചര്‍മത്തിന്റെ നിറം വര്‍ദ്ധിപ്പിക്കാന്‍ ചില എളുപ്പ വഴികള്‍
പത്തു ദിവസത്തിനുള്ളില്‍ തിളക്കമുള്ള മുഖം സ്വന്തമാക്കണോ? അതിനുള്ള മാര്‍ഗ്ഗമാണ് ആപ്പിള്‍ അരച്ചുണ്ടാക്കുന്ന ഫേസ് പാക്ക്. ഇതിനൊപ്പം ഒരു സ്പൂണ് തേന്‍കൂടി ചേര്‍ക്കുക. ഇത് മുഖത്ത് തേച്ച് പതിനഞ്ച് മിനുട്ട് കഴിഞ്ഞ് പനിനീരില്‍ മുഖം കഴുകുക. ചര്‍മ്മത്തിന്‍റെ നിറം വര്‍ദ്ധിപ്പിക്കാന്‍ ഏറെ മികച്ചതാണ് ആപ്പിള്‍ ഫേസ് പാക്ക്.
നാരങ്ങ വര്‍ഗ്ഗത്തില്‍ പെടുന്ന ഓറഞ്ച് ചര്‍മ്മത്തിന് നിറം നല്കാന്‍ ഏറെ നല്ലതാണ്. ഓറഞ്ച് ഫേസ് പാക്ക് തയ്യാറാക്കാന്‍ ഓറഞ്ച് തൊലി ഉണക്കി പൊടിക്കുക. ഏതാനും തുള്ളി പാല്‍ അതില്‍ ചേര്ത്ത് പേസ്റ്റ് രൂപത്തിലാക്കി മുഖത്തും കഴുത്തിലും തേക്കാം. ഉണങ്ങിക്കഴിയുമ്പോള്‍ തണുത്തവെള്ളം ഉപയോഗിച്ച് കഴുകുക.
നല്ല താമരയിതളുകള്‍ പറിച്ച് അത് തേനും പാലും ചേര്ത്ത് അരയ്ക്കുക. ഇത് ആഴ്ചയില്‍ ഒരു തവണ വീതം മുഖത്ത് തേച്ചാല്‍ ചര്‍മ്മത്തിന്‍റെ ശോഭ വര്‍ദ്ധിപ്പിക്കാം.
ചര്‍മ്മത്തിന്‍റെ നിറം വര്‍ദ്ധിപ്പിക്കുന്നതിനായി പണ്ടുമുതലേ ഉപയോഗിക്കപ്പെടുന്നതാണ് ചന്ദനം. ചന്ദനപ്പൊടിയും, ബദാമും ചേര്ത്ത് പേസ്റ്റ് രൂപത്തിലാക്കി തേച്ചാല്‍ ചര്‍മ്മത്തിന് നിറം വര്‍ദ്ധിക്കും. ഇത് എല്ലാത്തരം ചര്‍മ്മങ്ങള്‍ക്കും അനുയോജ്യവുമാണ്.
സ്ട്രോബറി അരച്ച് മുഖത്ത് തേക്കാം. തേച്ച് 10 മിനുട്ട് കഴിഞ്ഞ് പനിനീരുപയോഗിച്ച് മുഖം കഴുകുക.
ചര്‍മ്മത്തിന് വെണ്മ നല്കാന്‍ ഏറെ സഹായിക്കുന്നതാണ് സ്ട്രോബെറി ഫേസ് പാക്ക്.
വെള്ളരിക്ക നീര്, തേനും ചേര്ത്ത് മുഖത്തും, കഴുത്തിലും തേക്കാം. ഇത് ആഴ്ചയില്‍ ഒരു പ്രാവശ്യം വീതം ചെയ്യുക.
മധുരമൂറുന്ന തേന്‍ ചര്‍മ്മകാന്തി വര്‍ദ്ധിപ്പിക്കാനും ഉത്തമമാണ്. ചര്‍മ്മത്തിന് നിറവും, യൗവ്വനശോഭയും വേണമെങ്കില്‍ തേന്‍ ഉപയോഗിച്ച് ഫേസ്പാക്ക് തയ്യാറാക്കാം. തേനില് അല്പം നാരങ്ങനീരും ചേര്ത്ത് മുഖത്തും, കഴുത്തിലും തേച്ച് ഉണങ്ങിക്കഴിയുമ്പോള്‍ കഴുകുക.
ചര്‍മ്മത്തിന് ഏറെ ഗുണകരമായ ഒന്നാണ് കറ്റാര്‍വാഴ. ഇത് മുഖത്തെ പാടുകളും, മാലിന്യങ്ങളും നീക്കാന്‍ ഉത്തമമാണ്. പുതുമയാര്‍ന്ന കറ്റാര്‍വാഴയില മുറിച്ച് രാത്രി കിടക്കുന്നതിന് മുമ്പായി മുഖത്ത് മസാജ് ചെയ്യുക.
മുഖകാന്തി വര്‍ദ്ധിപ്പിക്കാന്‍ ഉത്തമമാണ് മഞ്ഞള്‍.. മഞ്ഞള്‍, പാല്‍, തേന്‍ എന്നിവ ചര്‍മ്മത്തിന്‍റെ നിറം വര്‍ദ്ധിപ്പിക്കും. മുഖത്തെ ഇരുണ്ട പാടുകള്‍ കുറയ്ക്കാനും, മുഖക്കുരു അകറ്റാനും മഞ്ഞള്‍ ഉത്തമമാണ്.
പാല്‍ പോലെ ചര്‍മ്മത്തിന് നിറം വേണമെന്നുണ്ടോ? ഒരു പാത്രത്തില്‍ അല്പം പാലെടുത്ത് ഒരു കോട്ടണ്‍ ബോള്‍ അതില്‍ മുക്കി മുഖം തുടയ്ക്കുക.
പ്രകൃതിദത്തമായ രീതിയില്‍ ചര്‍മ്മത്തിന്‍റെ നിറം വര്‍ദ്ധിപ്പിക്കാന്‍ സഹായിക്കുന്നതാണ് ഓട്ട്സ്. പുളിപ്പിച്ച തൈരുമായി ഓട്ട്സ് കലര്‍ത്തി പേസ്റ്റ് രൂപത്തിലാക്കി അത് മുഖത്തും,കഴുത്തിലും തേയ്ക്കുക. ഇത് ചര്‍മ്മത്തില്‍ അത്ഭുതങ്ങള്‍ സൃഷ്ടിക്കാന്‍ ശക്തിയുള്ളതാണ്.
ഉരുളക്കിഴങ്ങിലെ വെളുപ്പിക്കാന്‍ സഹായിക്കുന്ന കടുപ്പം കുറഞ്ഞ ഘടകങ്ങള്‍ തുടര്‍ച്ചയായ ഉപയോഗം വഴി ഫലം നല്കും. ഉരുളക്കിഴങ്ങ് അരച്ച് അതില്‍ അല്പം നാരങ്ങനീര് ചേര്ത്ത് ഫേസ്പാക്ക് നിര്‍മ്മിക്കുക. മാസത്തില്‍ മൂന്ന് തവണ ഇത് ഉപയോഗിക്കാം. മുഖത്ത് തേച്ച് ഉണങ്ങിയ ശേഷം ചൂടുവെള്ളം ഉപയോഗിച്ച് കഴുകി വൃത്തിയാക്കുക.
ചര്‍മ്മത്തിന്‍റെ ആരോഗ്യസംരക്ഷണത്തിനാവശ്യമായ നിരവധി വൈറ്റമിനുകള്‍ തക്കാളിയിലടങ്ങിയിരിക്കുന്നു. തക്കാളി ഉടച്ച് അല്പം മഞ്ഞള്‍ പൊടിയും, പാലും ചേര്ത്ത് മുഖത്ത് തേച്ചാല്‍ നല്ല ഫലം ലഭിക്കും. ആഴ്ചയില്‍ രണ്ട് പ്രാവശ്യം ഇത് ഉപയോഗിക്കാം.
ഒരു പിടി ബദാം പരിപ്പ് അരച്ച് അതില്‍ നിന്ന് എണ്ണ എടുക്കുക. ഇതുപയോഗിച്ച് മുഖത്തും കഴുത്തിലും വൃത്താകൃതിയില്‍ മസാജ് ചെയ്യുക. ഇങ്ങനെ ചെയ്യുന്നത് വഴി രക്തയോട്ടം വര്‍ദ്ധിക്കുകയും , ചര്‍മ്മകാന്തി ലഭിക്കുകയും ചെയ്യും.
ചര്‍മ്മത്തിന്‍റെ നിറം വര്‍ദ്ധിപ്പിക്കാന്‍ ഉപയോഗിക്കപ്പെടുന്ന ഒരു പ്രധാന വസ്തുവാണ് പയര്‍. പയര്‍പൊടിയും, പനിനീരും ചേര്ത്ത് ഫേസ്പാക്കായി ഉപയോഗിക്കാം. പയര്‍പൊടിയും മോരും ചേര്ത്ത് ഫേസപായ്ക്കിട്ടാലും ചര്‍മ്മത്തിന്‍റെ നിറം വര്‍ദ്ധിക്കും.
ചര്‍മ്മത്തിന്‍റെ നിറം വര്‍ദ്ധിപ്പിക്കുന്നതിനായി സാധാരണയായി ഉപയോഗിക്കുന്ന ഒന്നാണ് നാരങ്ങ. ഒരു നാരങ്ങ മുറിച്ച് ഇത് മുഖത്തും കഴുത്തിലും 10 മിനുട്ട് ഉരസുക. മാസം മൂന്ന് പ്രാവശ്യം ഇങ്ങനെ ചെയ്യുക. ചര്‍മ്മത്തിന് തിളക്കം കിട്ടാന്‍ ഇത് ഉത്തമമാണ്. എന്നാല്‍ വരണ്ട ചര്‍മ്മമുള്ളവര്‍ ചെയ്യരുത്.
ചര്‍മ്മസംരക്ഷണത്തിനുപയോഗിക്കുന്ന ഒരു പ്രധാന പ്രകൃതിദത്ത ഉത്പന്നമാണ് കര്‍പ്പൂരം. ചര്‍മ്മത്തിന് ശോഭ ലഭിക്കാനും, മുഖക്കുരുവിന്റെ പാടുകള്‍ നീക്കം ചെയ്യാനും കര്‍പ്പൂരം നല്ലതാണ്. പാലിനൊപ്പം കര്‍പ്പൂരച്ചെടി അരച്ച് മുഖത്ത് തേയ്ക്കുക.
ചര്‍മ്മകാന്തി വര്‍ദ്ധിപ്പിക്കാനുപയോഗിക്കാവുന്ന പ്രകൃതിദത്തമായ ഒന്നാണ് സവാള.. സവാള നല്ലതുപോലെ അരച്ച് മുഖത്തും കഴുത്തിലും തേയ്ക്കുക. ഇത് മുഖത്തെ പാടുകള്‍ മങ്ങിപ്പോകാന്‍ സഹായിക്കും.
ഫുള്ളേഴ്സ് എര്‍ത്ത് എന്ന പേരിലും അറിയപ്പെടുന്ന മുള്‍ട്ടാണി മുട്ടി അര ടേബിള്‍ സ്പൂണ് പനിനീരിനൊപ്പം ചേര്ത്ത് കടുപ്പത്തിലുള്ള പേസ്റ്റാക്കി ചര്‍മ്മത്തില്‍ പുരട്ടി ഉണങ്ങാനനുവദിക്കുക.what
താരന്‍ ,തലയില്‍ കുരുക്കള്‍ , മുടി കൊഴിച്ചില്‍...
ഈ പ്രശ്നങ്ങള്‍ക്ക് മുഖ്യ കാരണക്കാരന്‍ നമ്മള്‍ കഴിക്കുന്ന രാസ പ്രയോഗം ചെയ്ത ഭക്ഷണ സാധനങ്ങളും തലയില്‍ എണ്ണ തേക്കാതെ ഉള്ള കുളിയും ഷാമ്പൂ , ക്രീമുകളുടെ ഉപയോഗം . മുടിയുടെ മൂട് വരെ നശിപ്പിക്കുന്ന ക്രീമുകള്‍ ഭക്ഷണത്തില്‍ പോഷകങ്ങള്‍ ഇല്ല . പൊഴിയാനും തല ചൊറിയാനും തുടങ്ങുമ്പോള്‍ മരുന്നും ലോഷനും ഒക്കെ തേച്ചു കൂടുതല്‍ വഷളാക്കുക. തല കുളിര്‍ക്കെ എള്ള് എണ്ണ അല്ലെങ്കില്‍ വെളിച്ചെണ്ണ തേച്ചു കുളിക്കുന്ന കാലം ഒക്കെ പോയി ദിനേശാ . ഷാമ്പൂ /ക്രീം കമ്പനികളുടെ പരസ്യം കണ്ടു പോയി കുറെ വാങ്ങി പുരട്ടി ഫ്രീക്കന്‍/ ഫ്രീക്കി ആയി നെറ്റി കയറാന്‍ തുടങ്ങുമ്പോള്‍ കരച്ചിലും പിഴിച്ചിലും നെട്ടോട്ടം .
മരുന്നുകള്‍ :
പൊടുതല ഇല ( പടം ഇവിടെ പോസ്റ്റുന്നു ) നീര് തിപ്പലി എന്നും പേര് കാണുന്നു phyla nodiflora എന്ന ശാസ്ത്രീയ നാമം
അഞ്ചിതള്‍ ചെമ്പരത്തി പൂവിന്റെ ഇതള്‍ ( ചെമ്പരത്തൈ എന്നാണു തമിഴ് പേര് ഇതിന്റെ നിറം കടും ചുവപ്പ് അല്ല പടം കാണുക)
ആര്യവേപ്പില .
പശുവിന്‍ പാല്‍ .
ചെയ്യണ്ട വിധം :
പൊടുതല ഇല ,ചെമ്പരത്തി ഇതള്‍ മാത്രം ( നാമ്പ് എടുക്കരുത് ) ആര്യവേപ്പില ഇവകള്‍ സമം എടുത്തു മരുന്ന് അരക്കുന്ന കല്ലില്‍ നല്ല വണ്ണം അരച്ച് പാലില്‍ കലക്കി തലയില്‍ തേച്ചു പിടിപ്പിക്കുക .തലയില്‍ തേച്ചിട്ട് തലയില്‍ വെയില്‍ കൊള്ളുന്ന രീതിയില്‍ പുറത്തു നടക്കുകയോ ഒക്കെ ചെയ്യാം .വീടിനുള്ളില്‍ കയറി ഇരിക്കരുത് ജലദോഷം ഉണ്ടാകും . തേച്ചു പിടിപ്പിച്ചു നല്ല വണ്ണം ഉണങ്ങിയതിനു ശേഷം രണ്ടു മണികൂര്‍ കഴിഞ്ഞു തല കഴുകാം . കഴുകാന്‍ ചീവക്കായ ശിക്കകായ് എന്നും പറയും അല്ലെങ്കില്‍ താളി അല്ലെങ്കില്‍ പയര്‍ പൊടി ഇവ ഏതെങ്കിലും മാത്രമേ ഉപയോഗിക്കാവൂ . ഇങ്ങനെ മൂന്നുദിവസം അടുപ്പിച്ചു ചെയ്യണം . പ്രശ്നങ്ങള് മാറി മുടി കൊഴിച്ചിലും ചൊറിച്ചിലും താരനും നില്‍ക്കും .മുടിയുടെ മൂടു കിളിര്‍ക്കാന്‍ തുടങ്ങും .
മുഖക്കുരു മാറാന്‍
മുഖക്കുരുകൊണ്ട് വിഷമിക്കുന്നവരാണ് പലരും. പ്രത്യേകിച്ച് യുവതീയുവാക്കള്‍. മുഖക്കുരു ഒരു രോഗമല്ല. ഞെക്കിപ്പൊട്ടിക്കുകയോ കൈകൊണ്ട് തടവുകയോ ചെയ്യരുത്. മത്സ്യം, മാംസം, മുട്ട, വെണ്ണ, തൈര്, പരിപ്പ്, ചോക്ലറ്റ് എന്നിവ വര്‍ജിച്ചാല്‍ ഒരു പരിധിവരെ മുഖക്കുരുവിന് ആശ്വാസം കിട്ടും. പച്ചക്കറികളും പഴങ്ങളും പാലും പതിവായി കഴിക്കുന്നത് മുഖക്കുരുവിനെ അകറ്റിനിര്‍ത്താന്‍ സഹായിക്കും. പച്ചവെള്ളം കുടിക്കുന്നതും ശീലമാക്കുക.
രക്തചന്ദനവും മഞ്ഞളും അരച്ചുപുരട്ടുക. 10 ദിവസമെങ്കിലും തുടര്ച്ചയായി ചെയ്യുക.
വേപ്പിലയും മഞ്ഞളും ചേര്‍ത്തരച്ച് മുഖത്ത് പുരട്ടുക (പുരുഷന്മാര്‍ മഞ്ഞള്‍ ഒഴിവാക്കണം). 10 ദിവസം തുടര്ച്ചയായി ചെയ്യുക.
കുങ്കുമപ്പൂവ് അരച്ചെടുത്ത് തേങ്ങാപ്പാലില്‍ ചാലിച്ച് കുഴമ്പ് പാകത്തിലാക്കി എടുക്കുക. അരമണിക്കൂര്‍ കഴിഞ്ഞ് ആര്യവേപ്പിലയിട്ട് തിളപ്പിച്ചാറിയ വെള്ളത്തില്‍ മുഖം കഴുകണം. ഇങ്ങനെ 10 ദിവസം തുടര്ച്ചയായി ചെയ്താല്‍ മുഖക്കുരു മാറിക്കിട്ടും.
രക്തചന്ദനം അരച്ച് അല്പം തേനില് ചാലിച്ചെടുക്കുക. ഈ കുഴമ്പ് മുഖക്കുരു ഉള്ള ഭാഗത്ത് തേച്ചുപിടിപ്പിക്കുക. ഒരുമണിക്കൂര്‍ കഴിഞ്ഞ് കോലരക്കിട്ട് തിളപ്പിച്ചാറിയ വെള്ളത്തില്‍ മുഖം കഴുകുക. ഇങ്ങനെ രണ്ടാഴ്ച തുടര്ച്ചയായി ചെയ്താല്‍ മുഖക്കുരു മാറും.
സ്തനാര്‍ബ്ബുദം തടയാന്‍ പേരക്ക
വീട്ടുമുറ്റത്ത് ധാരാളം ഉണ്ടാകുന്നതു കൊണ്ടുതന്നെ നമുക്ക് ഒട്ടും വിലയില്ലാത്ത ഒന്നാണ് പേരക്ക. എന്നാല്‍ നമുക്കു ചിന്തിക്കാന്‍ പോലും കഴിയാത്തത്ര ഗുണഫലങ്ങള്‍ പ്രദാനം ചെയ്യുന്ന ഒന്നാണ് പേരക്ക.
ജീവകം സിയുടെ കലവറയായ പേരക്കക്ക് സ്തനാര്‍ബ്ബുദത്തെ ചെറുക്കാന്‍ കഴിവുണ്ട്. ഒരു ഓറഞ്ചില്‍ ഉള്ളതിലും അഞ്ചിരട്ടി ജീവകം സി പേരക്കയുടെ പുറം‌തൊലിയില്‍ ഉണ്ടത്രേ. പേരക്കയില്‍ ധാരാളമുള്ള ലൈക്കോപ്പിന്‍ എന്ന കരോട്ടിനോയിഡ് ക്യാന്‍സറിനെ തടയാന്‍ ശേഷിയുള്ളതാണ്.
നട്ടുവളര്‍ത്താന്‍ എളുപ്പമാണെന്നതും പ്രത്യേക പരിചരണം കൂടാതെ നല്ല കായ്ഫലം ലഭിക്കുമെന്നതും പേരയുടെ ഗുണങ്ങളിലൊന്നാണ്. കീടനാശിനി തളിച്ച പഴങ്ങള്‍ വാങ്ങിക്കഴിക്കുന്നതിലും പ്രയോജനവും ഉണ്ടാകും. പേരക്കയില്‍ ഉയര്‍ന്ന അളവിലുള്ള പൊട്ടാസ്യവും ഫൈബറും ഹൃദയത്തെയും സംരക്ഷിക്കുന്നു.
സ്ത്രീകളുടെ ശരീരത്തിന് ധാരാളം ആവശ്യമുള്ള കാത്സ്യവും പേരക്കയില്‍ ആവശ്യത്തിലധം ഉണ്ട്. സാധാരണ ഫലവര്‍ഗ്ഗങ്ങളില്‍ കാത്സ്യം കുറവായാണ് കാണപ്പെടുന്നത്. പ്രമേഹത്തെ ഒരു പരിധിവരെ തടയാനും പേരക്കക്കു കഴിയുമെന്ന് പഠനങ്ങള്‍ തെളിയിക്കുന്നു.
മോണ പഴുപ്പ്,മോണയില്‍ നിന്നും രക്തസ്രാവം എന്നിവക്ക് പ്രകൃതിദത്തമായ പോംവഴി.
പല്ലില്‍ ഉണ്ടാകുന്ന പ്രശ്നങ്ങള്, മോണകളില്‍ ഉണ്ടാകുന്ന വേദന മോണയില്‍ ഉണ്ടാകുന്ന നീര് , പല്ലില്‍ ഉണ്ടാകുന്ന പുളിപ്പ് എന്നിവ നീക്കി വെണ്മയുള്ള പല്ലുകള്‍ ഉണ്ടാകാന്‍ കടലാടി വേരോടെ പിഴുതു നല്ല വണ്ണം കഴുകി ചെറിയ തണ്ടുകള്‍ ആക്കി അത് കൊണ്ട് പല്ല് തേക്കാം . അല്ലെങ്കില്‍ പൊടിച്ചു ചൂര്‍ണം ആക്കി യും പല്ല് തേക്കാം, ഇങ്ങനെ ചെയ്യുന്നത് കൊണ്ടും പല്ലും തിളങ്ങും മുഖവും തിളങ്ങും
പല്‍പൊടി ഉണ്ടാക്കുന്ന വിധം :
കടലാടി വേര് :100 ഗ്രാം
കടുക്ക :50 ഗ്രാം
നെല്ലിക്ക :50gram
താന്നിക്ക : 50 ഗ്രാം
ഏലത്തരി : 20 ഗ്രാം
ഗ്രാമ്പൂ : 50 ഗ്രാം
ചുക്ക് : 50 ഗ്രാം
കരുവേല തൊലി :50 ഗ്രാം
ഇന്തുപ്പ് : 50 ഗ്രാം
എന്നിവ ഉണക്കി കുരു കളയണ്ടത് കളഞ്ഞു പൊടിച്ചു ഈ പൊടി കൊണ്ട് രാവിലെയും വൈകുന്നേരവും പല്ല് തേച്ചാല്‍ തിളക്കമാർന്ന പല്ലുകള്‍ ലഭിക്കും
ഉലുവ
രക്തസമ്മര്‍ദ്ദവും പ്രമേഹവും നിയന്ത്രിക്കുക, മെറ്റബോളിസത്തിന്‍റെ നിരക്ക് വര്‍ദ്ധിപ്പിക്കുക എന്നിവയ്ക്ക് കഴിവുള്ള, ശരീരഭാരം കുറയ്ക്കുന്നതില്‍ ഫലപ്രദമായ ഒന്നാണ് ഉലുവ.
1. അതിരാവിലെ വെറും വയറ്റില്‍ മുളപ്പിച്ച ഉലുവ കഴിക്കുന്നത് ശരീരഭാരം കുറയ്ക്കാന്‍ സഹായിക്കും
.ഇതിൽ കരോട്ടിന്‍, വിറ്റാമിന്‍ എ, ഇ, സി, ബീ, കാല്‍സ്യം, മഗ്നീഷ്യം, സിങ്ക്, പൊട്ടാസ്യം, അമിനോ ആസിഡുകള്‍, ദഹനത്തിനുള്ള മിനറലുകള്‍ തുടങ്ങി നിരവധി ഘടകങ്ങൾ അടങ്ങിയിട്ടുണ്ട്
. ഉലുവ മുളയ്പ്പിക്കാനായി
വൃത്തിയുള്ള ഒരു തുണിയെടുത്ത് വെള്ളത്തില്‍ കുതിർത്തി അതിൽ ഉലുവയിടുക.പിന്നീട് ഭാരമുള്ള ഒരു പാത്രം/കല്ല് ഉപയോഗിച്ച് അമര്‍ത്തി വെയ്ക്കുക.മൂന്ന് രാത്രികള്‍ കഴിഞ്ഞ് ഭാരം നീക്കി അവ വളരാനനുവദിക്കുക. മുള വളര്‍ന്ന് കഴിയുമ്പോള്‍ അവ കഴിക്കാം.
2.ആകര്‍ഷകമായ ശരീരഭംഗി ലഭിക്കാനും ശരീരഭാരം കുറയ്ക്കാനും ഉലുവയും തേനും ചേര്‍ത്തുള്ള മിശ്രിതം.
കല്ലുകൊണ്ടുള്ള ഉരലില്‍ ഉലുവ തരിയുള്ള പേസ്റ്റ് രൂപത്തിലാക്കിയെടുക്കുക.ഒരു പാത്രത്തില്‍ വെള്ളം തിളപ്പിച്ച് അതിലേക്ക് ഈ ഉലുവ ചേര്‍ക്കുക. ഈ വെള്ളം തണുക്കാനനുവദിച്ച് മൂന്ന് മണിക്കൂറിന് ശേഷം ഒരു കപ്പിലേക്ക് അരിച്ചെടുക്കുക. ഇതില്‍ തേനും നാരങ്ങ നീരും ചേര്ത്ത് എല്ലാ ദിവസവും രാവിലെ കുടിച്ചാൽ ഫലം കിട്ടും.
3. ഉലുവ വറുത്തു പൊടിച്ച് തൈരില്‍ കലക്കി കുടിയ്ക്കുന്നതും തടി കുറയ്ക്കും. പൊടിച്ച ഉലുവ ഭക്ഷണസാധനങ്ങളില്‍ ചേര്ത്ത് കഴിയ്ക്കുകയുമാവാം.
4. കട്ടന്‍ ചായ തിളപ്പിച്ച് അതില്‍ ഉലുവപ്പൊടിയിട്ട് കുടിക്കുന്നത് തടി കുറയ്ക്കാൻ സഹായിക്കും.
5.ഒരു കപ്പ് ഉലുവ വെള്ളത്തിലിട്ട് ഒരു രാത്രി ഇത് കുതിര്‍ത്ത് വെച്ച് രാവിലെ അരിച്ചെടുക്കുക. കുതിര്‍ത്ത ഉലുവ രാവിലെ വെറും വയറ്റില്‍ ചവച്ചരച്ച് കഴിക്കുക.
മുഖക്കുരു
1,കുറച്ചു പുതിനയില, കഴുകി വൃത്തിയാക്കിയ ശേഷം നന്നായി അരച്ച് മുഖത്തും കഴുത്തിലും പുരട്ടുക. അരമണിക്കൂറിനുശേഷം കഴുകിക്കളയാം. മുഖക്കുരുവിന്റെ പാടുകളും അപ്രത്യക്ഷമാവും.
2.മുള്ളങ്കി അരച്ചത് ഒരു ടീസ്പൂണ്‍ മോരില്‍ കലക്കി മുഖത്തു പുരട്ടുക. ഒരു മണിക്കൂറിനു ശേഷം കഴുകിക്കളയാം.
3.നാലോ അഞ്ചോ ബദാം വെള്ളത്തില്‍ കുതിര്‍ത്തു വയ്ക്കുക. ഇതു രണ്ടു ടേബിള്‍ സ്പൂണ് പാലും ഓരോ ടേബിള്‍ സ്പൂണ് ഓറഞ്ചു നീരും കാരറ്റുനീരും ചേര്‍ത്തരച്ചു മുഖത്തും കഴുത്തിലും പുരട്ടുക.അര മണിക്കൂറിനുശേഷം കഴുകിക്കളയാം. മുഖചര്‍മം തിളങ്ങുകയും ചെയ്യും.
4.പഴുത്ത തക്കാളി ഒരെണ്ണവും മൂന്നാലു തുള്ളി നാരങ്ങാ നീരും യോജിപ്പിച്ചു മുഖത്തും കഴുത്തിലും പുരട്ടുക. 20 മിനിറ്റിനുശേഷം കഴുകിക്കളയാം.
5.പച്ചമഞ്ഞളും വേപ്പെണ്ണയും ചാലിച്ച് മുഖത്തിട്ട് രണ്ടു മണിക്കൂര്‍ കഴിഞ്ഞ് കഴുകിക്കളയുക. ദിവസവും തുളസിയിലയുടെ നീര് മുഖത്തുതേച്ച് അരമണിക്കൂര്‍ കഴിഞ്ഞ് കഴുകിക്കളയുന്നതും മുഖക്കുരു ശമിപ്പിക്കും.
6.മുഖക്കുരുവിന്റെ പാട് മാറാന്‍ പാല്‍പ്പൊടിയും പപ്പായ ചതച്ചതും ഓരോ ടീസ്പൂണ്‍ വീതം എടുത്ത് രണ്ടു മൂന്നു തുള്ളി നാരങ്ങാനീരും ചേര്‍ത്തു ദിവസവും മുഖത്തു പുരട്ടുക.
7.മുഖം ഇടയ്ക്കിടെ തണുത്ത വെള്ളത്തില്‍ കഴുകുന്നത് നല്ലതാണ്.
കൊഴുപ്പ് കൂടുമ്പോഴും എണ്ണമയം വര്‍ധിക്കുമ്പോഴും മുഖക്കുരു ഉണ്ടാകും. ആവികൊളളുന്നത് നല്ലതാണ്. മുഖക്കുരു പൊട്ടിക്കാതിരിക്കാന്‍ പ്രത്യേകം ശ്രദ്ധിക്കണം
.png)
Posts
